Welcome
Login / Register

ቭላድሚር ፑቲን የአለም ቁጥር አንድ ተጽእኖ ፈጣሪ ግለሰብ ናቸው ሲል ፎርብስ ይፋ አደረገ

የታይም መጽሄት የአመቱ ቁንጮ ሰው ዶናልድ ትራምፕ በፎርብስ ላይ ፑቲንን ይከተላሉ
ታይም መጽሄት የዛሬ ሁለት ሳምንት ባወጣው የአመቱ ቁንጮ ሰው ምርጫ ላይ አዲሱ የአሜሪካ ፕሬዘዳንት ዶናልድ ትራምፕ የአመቱ ቀዳሚ ተጽእኖ ፈጣሪ ግለሰብ እንደተባሉ አይዘነጋም፡፡ አሁን ደግሞ ፎርብስ ባወጣው መረጃ መሰረት የአመቱ ተጽእኖ ፈጣሪ ግለሰብ የሩሲያው ፕሬዘዳንት ቭላድሚር ፑቲን መሆናቸውን ይፋ አድርጓል፡፡

ዶናልድ ትራምፕ አምና ከነበሩበት 72 ተኛ ደረጃ ወደ 2 ተኛ በመምጣት በአንድ አመት እጅግ ትልቅ መሻሻል አምጥተዋል ተብሏል፡፡ ተሰናባቹ የአሜሪካ መሪ ባራክ ሁሴን ኦባማ ከነበሩበት 3 ተኛ ደረጃ ወደ 48 ተኛ ሲያሽቆለቁሉ የቻይናው መሪ ዢ ጂንፒንግ ደግሞ አቡነ ፍራንሲስን በማስከተል በ 3 ተኛ ደረጃ ላይ ተቀምጠዋል፡፡

የፌስቡክ ማህበራዊ ድህረ-ገጽ ፈጣሪና ወጣቱ ቱጃር ማርክ ዙከርበርግ ከነበረበት 16 ተኛ ደረጃ ተጽእኖውን በመጨመር ወደ 10ኛ ደረጃ ላይ መጥቷል ተብሏል፡፡ የፈረንሳዩ ፕሬዘዳንት 23 ተኛ ሲባሉ የሰሜን ኮሪው መሪ ኪም ጆንግ ኡን ደግሞ 42ተኛ ደረጃ ተሰጥቷቸዋል፡፡

የሚዲያ ዘርፍ ቱጃሩ ሩፐርት ሙርዶክ በበኩላቸው 35ተኛ፤ የማይክሮሶፍቱ ቢል ጌትስ ደግሞ 7 ተኛ ደረጃን ተቆናጠዋል፡፡

በዚህ የፎርብስ የተጽእኖ ፈጣሪ ግለሰቦች ዝርዝር ላይ አዳዲስ ስሞች የገቡ ሲሆን ከነዚህ ስሞች ውስጥም የእንግሊዟ ጠቅላይ ሚኒስትር ቴሬሳ ሜይ፣ የፊሊፒንሱ ፕሬዘዳንት ሮድሪጎ ዱቴርቴና ሌሎችም ታዋቂ ግለሰቦች ይገኙበታል ነው የተባለው፡፡ የደረጃ ሰንጠረዡ 74 እጅግ ተጽእኖ ፈጣሪ የአለም ሰዎችን በረድፋቸው ለማስቀመጥ መሞከሩ ነው የተዘገበው፡፡ africaupdates.info

Related Articles

Post your comment

Comments

Be the first to comment