Welcome
Login / Register

ፌስ-ቡክ ጋዜጠኞች መረጃ በፍጥነት ለማድርስ የሚያስችላቸውን አዲስ አገልግሎት ይፋ አደረገ

አዲስ አበባ መስከረም 7/2008 ፌስ-ቡክ ጋዜጠኞች የማህበራዊ ድህረ ገጾችን በመጠቀም መረጃ በፍጥነት ለማድርስ የሚያስችላቸውን አዲስ አገልግሎት ይፋ አደረገ።

ያሆ ኒውስ ትላንት እንደዘገበው ሲግናል የተሰኘው ይህ የፌስ-ቡክ አገልግሎት ለፌስቡክና በስሩ ላሉ ማንኛውም ኢንስታግራም ያገለግላል።

 

 

የፌስ ቡክ ካምፓኒ ባልደረባ የሆኑት አንዲይ ሚትቼል እንዳሉት ጋዜጠኞች በአብኛው ፌስቡክን በቀላሉ በመጠቀም ለመረጃ አሰባሰብ ሂደት እንደሚፈልጉት ነው የሚናገረው።

ጋዜጠኞቹ ፌስቡክን በመጠቀም የተለያዩ ተንቀሳቀሽ ምስሎችንና መረጃዎችን በመልቀቅ ሥራቸውን ለማቀላጠፍ ፍላጎት እንዳላቸው ተረድተናል ብሏል።

ፌስቡክ ይህንን አገልግሎት በማሰተዋወቁ ደስታ እንደተሰማቸው ገለጾ ፍላጎት ያላቸው ጋዜጠኞች በአንድ ቦታ ሆነው አገልግሎቱን በመጠቀም ዘገባቸውን ማቀላጠፈ እንደሚችሉ ነው የተነገረው።

ሲግናልን በመጠቀም ማንኛውም ጋዜጠኛ የሚፈልገውን መረጃ ለመከታተልና በፍጥነትም ከጉዳዩ ጋር ተያያዥነት ያላቸው ጉዳዮችን ማሳየት ለሕዝብ ማድረስ እንደሚችል ጠቁመዋል።

ጋዜጠኞቹ በፌስቡክ በተደጋጋሚ ታዋቂ ግለሰቦችን በቀላሉ ማግኘት እንደሚችሉና በተለይም ከፖለቲከኞች፣ ከሙዚቀኞች ፣ ከአርቲስቶችና ከሌሎች ጋር የሚያደርጉትን የጽሁፍ መልዕክቶች በፍጥነት እንዲደርሳቸው ያደርጋል።

አገልገሎቱን በመጠቀም ጋዜጠኞች በገጻቸው ላይ የሚለጥፏቸው የምስልም ሆነ የጽሁፍ መረጃዎች በቀላሉ ከስተም በተባለው ቋት ውስጥ በማስቀመጥ በቀጣይ ተመልሶ አገልገሎት እንዲሰጣቸው ያስችላል።

ለመጀመሪያ ጊዜ ጋዜጠኞችን ለመረዳት ታስቦ የተዘጋጀው አገልገሎት ለሙያተኞቹ የተሻለ አገልገሎት እንዲሰጥ ፌስቡክ ከደንበኞች አሰተያየት ለመቀበል ዝግጁ መሆናቸውን ባልደረባው ተናግሯል ሲል የዘገበው ያሆ ኒውስ ነው።

ENA

Related Articles

Post your comment

Comments

Be the first to comment